Categoría: +TEATRO

Dirixido a: Adulto

Duración do espectaculo: 70 minutos

Persoa representante : Mute Digital SL

Datos de contacto : 655 648 224 - federicoesteban@mutecultura.com

Páxina web do grupo : https://mutecultura.com/artes-escenicas/

Sinopsis da compañia :

TropoNonTroppo, produtora de teatro independente creada en 2024 por Sandra Moya e Federico Esteban, céntrase en proxectos que investigan as artes escénicas, unindo linguaxes como a música, o deseño sonoro e o audiovisual, a partir de textos orixinais e de autores contemporáneos vinculados a temas sensibles, desde unha mirada onírica, fresca e arriscada. Iniciamos a actividade coa montaxe de A noite xusto antes dos bosques, unha reinterpretación do monólogo de Bernard-Marie Koltès na que se abordan os conflitos da viaxe do migrante na sociedade deshumanizada de hoxe. A obra estreouse o 16 de novembro de 2024 no Concello Municipal de Vigo. Este ano estamos a traballar na produción e estrea de Néboa, unha obra orixinal con poemas de Álvaro Mata Guillé e textos de Sandra Moya, na que, partindo dunha violación, se revela como o odio e a crueldade moldean as relacións humanas e normalizan a violencia na sociedade. Tamén desenvolvemos Feel, un collage escénico no que se conceptualiza o baleiro existencial a través da ensamblaxe de textos poéticos, o traballo físico e o deseño sonoro. Contamos cun espazo propio de traballo na cidade de Vigo, onde damos vida ás nosas producións teatrais desde a concepción ata a finalización. Nas instalacións do local dispoñemos dunha área de amplas dimensións que nos permite realizar os ensaios e mostras previas á estrea.

Sinopsis do espectaculo:

Un inmigrante sen diñeiro e sen traballo deambula polas rúas chuviosas dunha cidade, noite tras noite foxe dos cazadores de mouros, de gais e de persoas que o consideran unha rata. Agocha a súa orixe e o seu xénero para que non mallen nel, vende o seu corpo para sobrevivir ou ter alguén con quen conversar. Fala sen parar, sen precisar a quen, coa urxencia de recoñecerse noutro, de reafirmarse nun mundo que o ten sempre a parte, sempre no esquecemento. A música lévao a expresar os seus pensamentos, sentimentos, lembranzas de encontros efémeros con seres da noite e marxinados coma el: os lacazáns esquecidos nun recuncho, Mama, a prostituta que come terra, a moza fascista, ... voces que resoan na súa mente e nos amosan a súa vulnerabilidade á vez que nos fai reflexionar sobre esa humanidade que estamos a perder. Lentamente o personaxe vainos mergullando no océano que o trouxo ata aquí. Tráiler: https://youtu.be/s58urqNXYsQ

Caché con IVE : 2420.0 €

Caché + produción técnica con IVE : 2870.0 €

Técnica