Categoría: +TEATRO

Dirixido a: FAMILIAR

Duración do espectaculo: 55 minutos

Persoa representante : COPERACTIVA CULTURAL SL

Datos de contacto : 622 434 488 - administracion@coperactiva.org

Páxina web do grupo : https://www.culturactiva.org/gl/espectaculo/charlatan-rodriguez

Sinopsis da compañia :

Rendos Pequeno é o novo proxecto teatral do cómico e músico Félix Rodríguez. Formado nos conservatorios de Lalín e Vigo e con diversos obradoiros de teatro cómico e de rúa no seu currículo, desenvolve a súa carreira profesional desde o ano 2007 en compañías como Odaiko, Trío Detrés, Píscore e Culturactiva Producións. Mesturar música e humor é o sinal de identidade das creacións deste artista multidisciplinar e cos seus espectáculos, como Molto Barroco, Saaabor! ou Desconcerto, xirou polos teatros e prazas de todo o país contando sempre co favor do público. Agora, tras máis de quince anos de traxectoria, embárcase neste proxecto unipersoal para seguir dando a nota.

Sinopsis do espectaculo:

Un charlatán chega á vila coa súa lingua afiada, os seus instrumentos afinados e seu posto de venda ateigado de remedios para todos os males. Armado de retranca e coa sabedoría que dá percorrer todos os camiños, será quen de vender ao público menciñas que non necesitan a prezos que non poden pagar, cun catálogo infinito de solucións inútiles para problemas inexistentes, laretadas baleiras, melodías inventadas, pequenas grandes ilusións e contos de impostor. Porque o noso protagonista sabe sempre o que a xente quere escoitar. Dirixido por Fran Rei, Félix Rodríguez mestura nesta súa primeira montaxe música, comedia, maxia e moita participación, nun espectáculo para todos os públicos. Non se deixen confundir: moinantes hai a moreas, pero ninguén engana co humor, o ritmo, a empatía e a arte de Charlatán Rodríguez.

Caché con IVE : 1089.0 €

Caché + produción técnica con IVE : 1089.0 €

Técnica