Categoría: +TEATRO

Dirixido a: Adulto. Maiores de 14 anos

Duración do espectaculo: 75 min

Persoa representante : Fran Lareu

Datos de contacto : 635 815 558 - teatrodaramboia@gmail.com

Páxina web do grupo : https://drive.google.com/drive/folders/1MuvAU_QNZHNXXsXUmwL5MOmsf2o4pqhP

Sinopsis da compañia :

A Ramboia é unha compañía creada no 2019 por Anxo García, Fran Lareu e María Peinado. Ideada co fin de crear un espazo propio desde o que indagar na relación do teatro coas distintas artes, así como explorar a súa intersección na multiplicidade do teatro de obxectos, desde un prisma contemporáneo. No 2019, estrean o seu primeiro espectáculo, O meu mundo non é deste reino, despois de gañar o I Certame Manuel María de Proxectos Teatrais. Con este espectáculo acadan unha boa posición de visibilidade no panorama teatral, así como dous premios María Casares 2020 a Mellor Dirección e Mellor Adaptación para María Peinado.

Sinopsis do espectaculo:

Arroupado por unha tremoia escénica viva, un actor prepárase para interpretar o papel de Romeo. Repasa pasaxes da obra shakespeariana, colga o cartel de función cancelada e a continuación, destrúe a martelazos o balcón de Xulieta. A través de diversos Romeos descontextualizados redefine o seu concepto de amor e a súa inherente masculinidade infecciosa que o incapacita para a vida e para o teatro. Repasa eses catro días que transcorren na peza shakespeariana e como Romeo, experimenta unha concatenación de primeiras veces; perde a virxinidade, casa, mata a alguén, é desterrado e intenta quitarse a vida. Un manic monday en Verona. Unha ironía metateatral de contrastes e tensión rítmica entre ondas coreográficas. NON TES O PERFIL PARA UN ROMEO. NON AMOSES OS TEUS SENTIMENTOS EN PÚBLICO. XAMÁIS SERÁS PROTAGONISTA. O AMOR É SEMPRE SECUNDARIO. Que difícil é querer no 2024, que difÍcil é quererse.

Caché con IVE : 2915.0 €

Caché + produción técnica con IVE : 3740.0 €

Técnica