Categoría: +TEATRO

Dirixido a: Infantil e familiar

Duración do espectaculo: 50 minutos

Persoa representante : MIGALLAS TEATRO, S.L.

Datos de contacto : 618 813 071 - migallas@migallas.gal

Páxina web do grupo : https://migallas.gal/brincadeiras-da-lingua/

Sinopsis da compañia :

Migallas Teatro vén realizando desde a súa fundación no ano 1992 numerosas actividades de promoción da lingua e da cultura galegas mediante montaxes teatrais; concertos; sesións de narración oral, obradoiros, cursos etc. Alén disto, elaborou materiais audiovisuais como os libros-disco “¡Canta connosco!”, e “Pan de millo”, o disco “Zaragallada” e a serie de 25 vídeos para fomentar a práctica da lingua mediante os ditos infantís tradicionais chamada Brincadeiras da lingua, baseada na páxina web Orella pendella, que coordina desde o ano 2008. Migallas Teatro realizou máis de 1700 representacións de máis dunha trintena de espectáculos diferentes creados pola propia compañía. Alén disto, ten coordinado a creación de máis de medio cento de montaxes teatrais con rapaces e rapazas de entre 7 e 18 anos. Tamén leva a cabo talleres de expresión dramática, plástica e musical a través de concellos, asociacións e colexios de diversos municipios como Vilaboa, Soutomaior, Tomiño etc. Na cidade de Pontevedra coordinou desde o ano 1998 ata o ano 2020 os obradoiros de expresión dramática, plástica e musical “Á procura do tesouro” que organizaba cada ano o Concello de Pontevedra e polo que pasaron máis de 3000 rapaces e rapazas de entre 4 e 18 anos. Na actualidade, desenvolve nesta mesma cidade 4 obradoiros denominados ARTEXOGA, que teñen como finalidade crear un espazo de socialización en galego para os 80 nenos e nenas participantes. Por outra banda, nos anos 2002 e 2003 creou e puxo en escena o espectáculo da Cerimonia de Apertura da Feira Franca de Pontevedra e no ano 2004, o espectáculo ao aire libre Os Irmandiños no que participaron 40 persoas. Tamén realiza visitas culturais teatralizadas no Museo de Pontevedra e polo Centro Histórico de Pontevedra coa creación de varios espectáculos: “A Boa Vila dende o Camiño Xacobeo” e “Paseo máxico pola Boa Vila”. Coordinou os obradoiros de narración oral do Centro de Interpretación de Oralidade de Vigo CIOV e editou o libro “Un avó especial”. Para máis información sobre a compañía, consultar: https://migallas.gal/

Sinopsis do espectaculo:

“Brincadeiras da lingua” é un espectáculo que ten como obxectivo promover o uso e a transmisión da lingua no ámbito familiar mediante os xogos verbais e os ditos e cancións infantís tradicionais, que forman parte do cancioneiro popular galego, ao que se lle dedica o Día das Letras Galegas 2025. A través de xogos verbais de participación, cancións, contos, monicreques e outros recursos, ofrécese dun xeito divertido unha escolma dos ditos recollidos na serie de vídeos realizada por Migallas Teatro e que leva este mesmo nome “Brincadeiras da lingua”. Este espectáculo pode dirixirse a público familiar en xeral ou adaptarse a idades concretas ben diversas, tal é a cantidade de ditos e recitados infantís tradicionais que temos na nosa lingua, desde bebés de 6 meses a rapaces e rapazas de ata 12 anos. O importante é saber previamente cal vai ser a franxa de idade do público ao que se dirixe para seleccionar os ditos máis acaídos.

Caché con IVE : 600.0 €

Caché + produción técnica con IVE : 748.0 €

Técnica