Categoría: +TEATRO

Dirixido a: Familiar, a partir de 2 anos

Duración do espectaculo: 40min

Persoa representante : Hurlé prods

Datos de contacto : 620 564 187 - distribucion.constancehurle@gmail.com

Páxina web do grupo : https://www.obauldatiatola.com/

Sinopsis da compañia :

A compañía nace no ano 2014 en Vigo coa finalidade de achegar a maxia do teatro ó público máis novo. Neste baúl teñen cabida todos aqueles proxectos que promovan a imaxinación, a ilusión, a alegría e a aprendixaxe a través de diversos estímulos sensoriais e do xogo . Gústanos traballar con diferentes materiais plásticos descubrindo as súas posibilidades escénicas. Nos nosos espectáculos dámoslle protagonismo á creación de ambientes sonoros e imaxes visuais a partir do movemento, da xestualidade e do son.

Sinopsis do espectaculo:

Sempre a correr chegan Plié e Relevé ao teatro para mostrar a súa gran coreografía. O público xa está preparado para ver a función, a música comeza a soar... pero, para a súa sorpresa, a súa escenografía non está no escenario! En troques desta atopan unha montaña de plásticos. E quen foi a que fixo, esta montaña de lixo? Estará a súa estrutura, debaixo de tanta varredura? Farán un espectáculo fantástico, a partires de todo este plástico? As dúas bailadeiras mergúllanse nun mar de lixo, descubrindo novos xogos e creando mundos extraordinarios nos que deberán crear cultura a partir da varredura. Comunícanse con pareados, móvense con pasos de ballet inventados por elas mesmas e axúdanse das luces para crear diferentes atmosferas ó longo do espectáculo, dando así ritmo e rima á obra. Lixo está creado a partires de material plástico reciclado co que facer escenografías para o xogo, cando estes obxectos poderían ser simples desperdicios. A intencionalidade da obra é facernos ver dunha maneira divertida, os problemas que poden xurdir debidos ó excesivo plástico que empregamos e ó mal uso que facemos del.

Caché con IVE : 1500.0 €

Caché + produción técnica con IVE : 1700.0 €

Técnica