Categoría: +TEATRO

Dirigido a : FAMILIAR

Duración del espectaculo: 50 minutos

Persona representante : COPERACTIVA CULTURAL SL

Datos de contacto : 622 434 488 - administracion@coperactiva.org

Página web del grupo : https://www.culturactiva.org/gl/espectaculo/somos-circo

Sinopsis de la compañia :

Raquel Veganzones e Girisho Gordon, graduados ambos da escola The Circus Space de Londres, formaron a compañía Circo Expreso no 2004 en Londres, e pasan a chamarse Desastronauts en 2009. A súa traxectoria ten levado as súas impresionantes acrobacias por medio mundo: co seu espectáculo Too High estiveron de tour co circo británico Happy's Circus, actuaron na Convención Nacional de Malabares en Crawley 2004, participaron no Festival de Glastombury e en varios cabarés de circo en Londres. Gordon chegou a participar no espectáculo de apertura das Olimpiadas Asiáticas en Qatar, e Veganzones levou o seu trapecio ata o Caribe ou a India. Entre tanta viaxe, chegou o momento no que o seu traballo os trouxo preto de nós, e, como tanta xente, quedaron. Logo de debutar co espectáculo de rúa Calleret en Santiago de Compostela e en distintas programacións do país, tomaron a capital galega como base, creando alí o show Un día de praia, co que xiran por innumerables teatros e rúas galegas en solitario e en programacións de Culturactiva como Pistactiva e Ruactiva. En 2010 conseguiron unha bolsa da Unión Europea e saiu á luz un novo traballo que dá outro xiro á súa carreira: Losing Grip, unha obra na que a acción ten lugar no aire en todo momento, arriscada, anovadora, orixinal e chea de calidade. Dende entón, continúan impresionando ao público cos seus espectáculos de altura, humorísticos e imaxinativos.

Sinopsis del espectaculo:

Damas e cabaleiros, nenos e nenas, o espectáculo que todos estiveron esperando. Raquel Feroz, a auténtica Raíña do Circo, deixarache pampo virando sobre o seu trapecio. Girisho, o Gran Ditador do Circo, sorprenderache coa súa forza e estupidez. Xuntos danche circo 100% puro. Alto en acción e baixo en conversación. Alto en satisfacción e baixo en decepción. Alto en irresponsabilidade e baixo en precaución. É rápido, é divertido, é acrobático, é fermoso. Viaxaron polo mundo realizando as súas incribles habilidades e agora preséntanche a súa obra mestra. Tes sorte, Somos Circo!

Caché con IVA : 2057.0 €

Caché + producción técnica con IVA : 2057.0 €

Técnica