Categoría: +TEATRO

Dirigido a : infantil a partir de 5 anos

Duración del espectaculo: 50 min.

Persona representante : URDIME, S.coop.galega

Datos de contacto : 619 920 335 - comunicacion@urdime.net

Página web del grupo : https://urdime.gal/espectaculos/Rilla%20rilla/

Sinopsis de la compañia :

Xarope Tulú é unha compañía de teatro fundada no ano 2015 por Atenea García e Nicolás Zamorano e adicada ás artes escénicas para cativos e cativas. Estrean a súa primeira peza A miña primeira viaxe na Coruña, en febreiro de 2015. Este proxecto ten como principal obxectivo achegar o teatro ás crianzas. Este colectivo considera que a experiencia escénica permite medrar dun xeito libre e creativo, favorece o descubrimento doutros mundos posibles e provoca a creación dun espazo para a reflexión. As artes escénicas son, en definitiva, unha marabillosa escola para a vida. Á hora da creación e composición dos seus espectáculos a compañía tenta achegar entre si as diferentes linguaxes escénicas: o teatro de obxectos, a música, a interpretación teatral e a narración oral entre outras, procurando non aferrarse a un único estilo interpretativo.

Sinopsis del espectaculo:

Donas e cabaleiras, señoras e señores, picarada toda… Benvidas ao concurso sobre a lingua onde apañamos as palabras coma se fosen berberechos, onde o rotacismo forma parte da banda sonora e o seseo nos ha facer viaxar entre valumada . Se non oístes falar do cínefre, ou non sabedes o que é un día de garabullos, se nunca se pousou en vós unha lagáchima, andade atentas! Abride ben os ouvidos e deixádevos levar por esta música de salitre. Remangade ben o pantalón, que para apañar palabras é preciso mollar os pés! Preparádevos para recoller eses vocábulos que case nunca medran nos libros. Se queredes saber o que significa rilla-rilla, poñede atención… Rilla-rilla é un espectáculo de pequeno formato dirixido a todos os públicos, que tenta pór de manifesto a variedade dialectal do noso idioma. A través do relato irémonos mergullando nun mundo de rotacismos, un lugar con idiosincrasia propia que estivo aí sempre e ao que poucas veces lle poñemos atención. As ondas e o salitre hannos levar ao lugar das palabras esquecidas. Rilla-rilla é un espectáculo dinámico onde o público pasa a ser protagonista desde o primeiro momento.

Caché con IVA : 1140.0 €

Caché + producción técnica con IVA : 1540.0 €

Técnica