![](/documents/37861/9649646/900x600-mais-escenicas.jpg/a4fe953b-1dfa-1be1-1450-5950b99b7d83?t=1720509282846)
#CULTURA
+ESCÉNICAS
A Deputación de Pontevedra pon en marcha o circuíto “+Escénicas” de apoio á programación de espectáculos profesionais de artes escénicas nos concellos da provincia de ata 20.000 habitantes.
Esta iniciativa inclúe a creación dun catálogo de espectáculos en lingua galega, co que se pretende impulsar a programación e a representación de funcións de teatro e danza por parte de artistas e compañías profesionais galegas nos espazos dos concellos menos poboados desta provincia, para favorecer así o acceso á cultura por parte de todos os públicos.
O obxectivo deste circuíto é acadar unha programación cultural estable, continua e de calidade na provincia, conxugando a colaboración entre entidades e a promoción da diversidade de propostas artísticas do sector profesional.
- Bases de creación e convocatoria do circuíto (BOPPO 09/07/2024)
- Extracto (BOPPO 09/07/2024)
- Solicitude de inscrición no catálogo en sede.depo.gal
Solicitude de inscrición no catálogo “+Escénicas”. Prazo: do 10 ao 24 de xullo de 2024
Solicitude de espectáculos por parte dos concellos. Prazo: do 2 ao 16 de setembro de 2024