A Deputación de Pontevedra estará presente un ano máis en Culturgal, a Feira das Culturas Galegas, que terá lugar do 29 de novembro ao 1 de decembro de 2024 no Pazo da Cultura de Pontevedra. Este ano apostamos pola novidade do circuíto “+Escénicas”, para apoiar a programación de artes escénicas en galego nos concellos de ata 20.000 habitantes da provincia, que conta cun catálogo propio con case 300 espectáculos de teatro e danza. Nesta primeira edición hai máis de 100 funcións programadas ata marzo de 2025.