O presidente da Deputación de Pontevedra, Luis López, volveu estar presente na segunda xornada do Foro La Toja que se celebra esta fin de semana no Grove. Despois de participar na inauguración deste xoves, o mandatario provincial asistiu, na quenda da mañá, á ponencia do presidente do Partido Popular, Alberto Núñez Feijóo; e, pola tarde; á mesa autonómica da que formou parte o presidente da Xunta de Galicia, Alfonso Rueda, xunto cos seus homólogos de Canarias e das Illas Baleares, Fernando Clavijo e Marga Prohens.