A Xunta de Goberno de Deputación de Pontevedra acaba de aprobar o expediente para contratar as obras para substituír as escaleiras de emerxencia do Centro Infanto-Xuvenil Escola Fogar Príncipe Felipe grazas a un investimento de 374.000 euros. Unha intervención que ten o obxectivo de mellorar a seguridade neste centro dependente da Administración provincial.

Como informou o presidente provincial, Luis López, en conferencia de prensa, a intervención, que terá un prazo de execución de cinco meses desde o momento no que se inicien as obras, consistirá na demolición dos cerramentos, da cuberta exterior e da escaleira actual para instalar despois unha nova escaleira e unha envolvente exterior.

Por outra banda, procederase ao saneamento das vigas e alicerces da estrutura principal. Como complemento a esta obra, implantarase iluminación e portas de emerxencia, ademais de levarse a cabo traballos de pintura.