A vicepresidenta da Deputación Luisa Sánchez fixo esta mañá entrega de medallas do Campionato de España Sprint Xoves Promesas Cadete e Infantil 2024 de piragüismo nas modalidades k4, c4, k2 e c2. Sánchez remarcou que a provincia de Pontevedra “é potencia neste deporte” ao subliñar que “temos máis licencias de piragüismo que na segunda comunidade autónoma con máis deportistas desta modalidade”. Por estes motivos tendeu a man do Goberno provincial tanto á Federación Galega de Piragüismo como á Española para “traballar duro” para impulsar este deporte “que tantas alegrías nos dá”.