Adxudicación de prazas

• 1.330 prazas adxudicaranse polo procedemento xeral.
• 210 prazas adxudicaranse polo procedemento específico, que se reservarán para menores en situación ou en risco de exclusión social, das cales:
  • 175 son para os concellos.
  • 25, para menores do Centro Príncipe Felipe.
  • 10, para menores en situación de tutela e garda administrativa doutros centros da provincia.

O prazo de presentación de solicitudes comezará o 3 de marzo e rematará o 21 de marzo de 2025.

O programa desenvolverase entre o 22 de xuño e o 6 de setembro, en once quendas, cada unha de sete días de duración. A entrada será o domingo pola tarde, de 16 a 18 horas, e a saída, o seguinte sábado pola mañá, de 10 a 12 horas.

A Deputación ofertará un programa de actividades destinado a favorecer a igualdade de xénero, a inclusión, a aprendizaxe da lingua inglesa, a arte, a cultura, a ciencia, o deporte, a lingua de signos, o respecto e o coñecemento da natureza, e a dinamización e o coñecemento multicultural da contorna.

Cada grupo visitará a illa de Ons e fará unha segunda excursión relacionada coa natureza e co coidado do medio. Tamén está previsto realizar o tradicional obradoiro para elixir a mascota oficial do programa.