Gómez, que valorou a importancia de “apoiar e visibilizar todos os deportes e todos os éxitos”, remarcou o “espectacular” trunfo e “historia de vida de Chevi”, que chegou ao noso país fai catro anos e agora está a sumar metais á provincia.  Tamén recoñeceu o “mérito” das/dos deportistas que compiten a este alto nivel compaxinando a “vida familiar e deportiva” e recoñeceu o “gran traballo que fan coa base” as adestradoras e o club, achegando á rapazada os hábitos e valores do deporte.

Pola súa banda, “Chevi” Guzmán, agradeceu a axuda da Deputación e do conxunto de persoas “que están sumando o seu gran de area para que o patinaxe medre” e salientou o labor de Gorka Gómez por levar o deporte a todos os recunchos da provincia. Amais amosou a súa satisfacción porque a patinaxe sexa cada vez máis coñecida e estea xa “notoriamente presente no deporte nacional”.