OLIMPIA VALENCIA
Comprometida coa medicina e co seu país
Olimpia Valencia foi a primeira galega en licenciarse en Medicina en 1925. A ela gustaríalle ser pneumóloga, pero estaba mal visto que unha muller tratase homes, así que tivo que especializarse en xinecoloxía. Cando estalou a Guerra Civil pasou catro días presa acusada de pertencer ao Partido Galeguista e asinar a prol do plebiscito do Estatuto de Autonomía de Galicia. Librouse do cárcere mais non do estigma. Malia iso, non deixou de ter relación co grupo galeguista, no que figuraban outros médicos, coma Darío Álvarez Blázquez, Antón Beiras García e Ramón Obella Vidal.
podcast
ROTEIRO
FALADOIRO AQUÍ FALTAN PÁXINAS
Olimpia Valencia "Comprometida coa medicina e co seu país"
Ana Fuentes
Vigo, 1969
Licenciada en Xornalismo pola Universidade Complutense de Madrid, na actualidade é directora de Comunicación da Zona Franca de Vigo. Desenvolveu a maior parte da súa vida profesional como xornalista en Atlántico Diario e no Grupo La Región, onde foi redactora xefa. É especialista en Xornalismo Económico e fundadora do grupo Sumamos para visibilizar as mulleres profesionais. Recibiu o Premio Cegasal de xornalismo en economía social e tamén escribiu e publicou relatos curtos en obras colectivas, o seu primeiro libro titúlase Olimpia Valencia. Oito décadas de historia desde os ollos dunha pioneira.