Mercedes Ruibal
Os trazos dramáticos dunha pintora alegre
Naceu na parroquia pontevedresa de Xeve, nunha familia republicana de grandes inquedanzas artísticas que se viu obrigada a emigrar por mor da guerra. O seu pai era un apaixonado da música e da literatura, a súa nai, unha pintora naíf, o seu irmán José, dramaturgo, e a súa irmá Ángeles, cantante. Teté —o nome familiar de Mercedes— pasou a súa infancia e adolescencia en Xeve, ata que con vinte anos emigrou a Bos Aires para reencontrarse co seu irmán José. Alí iniciouse na pintura con Laxeiro como amigo, mentor e mestre. Realizou a súa primeira mostra individual na Sala Rose Marie, en 1956, e, pouco despois, en 1957, regresou a Galicia xa convertida en pintora.
Ler máis
podcast
FALADOIRO AQUÍ FALTAN PÁXINAS
Mercedes Ruibal. Os trazos dramáticos dunha pintora alegre
Graciela Baquero Ruibal
Graciela Baquero Ruibal é a sobriña da artista Mercedes Ruibal, que foi para ela coma unha nai. Mercedes e o seu marido, o arquitecto e artista Agustín Pérez Bellas, fixéronse cargo da educación de Graciela desde a súa infancia. Deles aprendeu a sentir e a crear. Defínese como poeta, xiróvaga, valente medorenta, artista de variedades, nai, ociosa limpadora, inmigrante, portadora do sangue sucio do seu pobo, malabarista, coidadora de todo crecemento, lectora que escribe, escritora que cría gatos, oceánica, pensadora, amante entusiasta, defensora da preguiza, abandonada, abandonadora, escarvadora de terra, camiñante de beiras, recolledora de vertixes, filla da resistencia…
Publicou os poemarios Contactos (Arnao Ediciones), Crónicas de olvido (primeira edición coa editorial Pamiela e reedicións con Mundos Posibles Ediciones e a editorial Tigres de Papel do grupo Genealogías), Oficio de frontera (editorial Eclipsados), Historia de la fragilidad (Mundos Posibles Ediciones), Extravío (editorial Amargord). Así mesmo, publicou dous libros de relatos: Pintura sobre agua (Exadra de Ediciones) e Sobre el amor y otros animales (Eolas Ediciones).
Desde 1990 imparte e coordina obradoiros de creatividade (escritura creativa, creatividade e cotián, poesía, voz…) en escolas coma Fuentetaja e en diversas bibliotecas e concellos. Actualmente desenvolve o seu traballo na Universidade Nacional de Educación a Distancia (UNED).