MARUJA MALLO
Metade anxo, metade marisco
Maruja Mallo é o nome dunha artista cosmopolita construída sobre unha moza nada en Viveiro en 1902. Transgresora no vivir, no falar e no pintar, formou parte das Sensombreiro e foi facéndose un merecido oco no seminal mundo da arte do século XX ata chegar a se converter nunha das figuras máis representativas da xeración do 27 e nun dos grandes expoñentes internacionais do surrealismo figurativo. Dalí definiuna como “metade anxo, metade marisco”. Lorca asegurou que os seus cadros son os que vira pintados “con máis imaxinación, emoción e sensualidade”. E María Zambrano dixo dela que cometeu un dos erros máis destrutivos e imperdoables: ser libre.
podcast
ROTEIRO
FALADOIRO AQUÍ FALTAN PÁXINAS
Maruja Mallo "Metade anxo, metade marisco"
Loli Docampo Diéguez
Bueu, 1969
Estudou Economía na Universidade de Vigo e especializouse posteriormente na Universidade Carlos III de Madrid e na Universidade de Santiago de Compostela en diferentes programas sobre xestión da innovación. Conta cunha ampla experiencia en consultoría estratéxica e estudos sectoriais e nestes últimos anos está a realizar na Universidade de Vigo tarefas de xestora e promotora de proxectos europeos, inicialmente para os grupos de investigación de Humanidades e Arte e, na actualidade, para o grupo de Xestión do Coñecemento en Proxectos de Mobilidade Avanzada, Valorización Turística do Patrimonio e Apoio ao Emprendemento.
Ademais de ser moi activa no movemento asociativo da vila, Loli é parte do colectivo O Mar por Diante, unha proposta de intervención cultural no concello de Bueu organizada por un grupo de persoas relacionadas coa xestión cultural, a divulgación e a investigación en distintos campos do saber, a edición e a escrita que trata, entre outros temas, a coincidencia en Bueu dun grupo de artistas e intelectuais entre os que se atopa Maruja Mallo.