María Araújo
A guerrilleira que loitou contra as ditaduras de Franco e Batista
Nada en Carril en 1904, con só dous anos emigrou cos seus pais a Cuba, onde estudou nun convento, e logo casaría con Sebastián Carcaño, natural de Mugardos. Xuntos iniciáronse nas loitas proletarias e vinculáronse ao entón nacente movemento comunista cubano. En 1927 volveron a Galicia con dous fillos. María empezou a traballar nunha fábrica de conservas de Vigo, onde tomou as rendas do Sindicato de Conserveiras como militante do Partido Comunista de España.
Ler máis
podcast
FALADOIRO AQUÍ FALTAN PÁXINAS
María Araújo, a guerrilleira que loitou contra as ditaduras de Franco e Batista
Pilar Cagiao Vila
Pilar Cagiao Vila é profesora titular de Historia de América e coordinadora do grupo de investigación HistAmérica na Universidade de Santiago de Compostela. Entre as liñas de investigación que desenvolveu o longo da súa traxectoria académica destacan as relativas aos movementos migratorios e ás relacións diplomáticas e culturais entre España e América, arredor das que coordinou diferentes proxectos de investigación. No ámbito dos movementos migratorios préstalle especial atención aos referidos a Galicia (migracións económicas e exilio) e á perspectiva de xénero. Desde a publicación en 1997 do seu libro Muller e emigración, as súas contribucións baixo este enfoque continúan sendo referencia citada a día de hoxe. Como profesora convidada impartiu numerosas conferencias, cursos de posgrao, doutorado e mestrado sobre esta temática en universidades europeas e latinoamericanas. En 2022 nomeárona académica correspondente no estranxeiro da Academia da Historia de Cuba, onde ingresou formalmente en 2023.