ÁNGELES ALVARIÑO
Oceanógrafa. Unha pioneira na investigación mariña
Ángeles Alvariño foi a primeira muller investigadora que se embarcou nun buque oceanográfico e adoita ser lembrada por esa anécdota. Se fose un home, probablemente sería recoñecida moito antes por ser unha das maiores especialistas do mundo no seu campo e no seu tempo. Descubriu 22 novas especies mariñas e revelou como a presenza de distintas formas de zooplancto na auga podía servir de excelente indicador do estado de saúde dos mares e dos caladoiros de pesca. E, aínda que na España do século pasado as mulleres eran case unha anomalía científica, a ferrolá logrou facerse un oco nese campo do coñecemento tan dominado por un sistema patriarcal, para deixar boa proba do seu talle intelectual.
podcast
ROTEIRO
FALADOIRO AQUÍ FALTAN PÁXINAS
Ángeles Alvariño. Oceanógrafa. Unha pioneira na investigación mariña
13 de setembro de 2023 as 19 h
Sala Rosalía de Casto. Sede da Deputación de Pontevedra en Vigo
Ángeles Leira Alvariño
Ángeles Leira Alvariño naceu en 1942 en Ferrol e en 1947 trasladouse a Madrid cos seus pais, a bióloga oceanógrafa Ángeles Alvariño e o comandante da Armada Española Eugenio Leira Manso.
Despois de graduarse en 1958 como bacharel universitaria no colexio que dirixía Jimena Menéndez Pidal, trasladouse coa súa familia a La Jolla, en California, para seguir o destino da súa nai. En 1959 Ángeles Leira foi a segunda muller en matricularse na Escola de Enxeñería do San Diego State College.Neste período tamén traballou en Scripps Institution of Oceanography como asistente de laboratorio e, co que gañaba, pagaba os seus estudos de Arquitectura na Universidade de Berkeley, na que se titulou en 1966.
A partir de 1968 desempeñou distintos cargos como urbanista no municipio de San Diego, onde traballou na planificación de comunidades e chegou a ser vicepresidenta do Colexio de Urbanistas e supervisora dos plans reguladores das 27 comunidades de San Diego.
En 1978 foi nomeada responsable do Programa de conservación histórica da cidade de San Diego. Ese mesmo ano a súa carreira deu un xiro cara á política local na que desempeñou varios cargos importantes no Departamento de Urbanismo do Concello de San Diego. En 2022 retírase, pero non deixa de desenvolver de forma voluntaria interesantes proxectos á vez que coida dos seus pais, xa anciáns, e do seu marido enfermo. Desde 2010 Leira Alvariño dedícase a viaxar por todo o mundo e a realizar presentacións sobre as súas ideas e proxectos urbanísticos.