null

Asociación de Diagnosticadas de Cancro de Mama

ADICAM

A Asociación de Diagnosticadas de Cancro de Mama (ADICAM) é unha entidade de persoas afectadas por cancro de mama e xinecolóxico que xorde en Cangas en 2001. No pasado ano 2022 contaba cun total de 1.710 socias e socios. Non só forman parte desta asociación as persoas afectadas por cancro de mama ou xinecolóxico e de outros procesos oncolóxicos, senón tamén aquelas colaboradoras que se solidarizan coa causa; principalmente el 90 % son mulleres de entre 50 e 70 anos, a franxa de idade na que o cancro de mama e xinecolóxico é máis frecuente.

O obxecto da entidade

ADICAM é unha asociación de persoas afectadas por cancro de mama e xinecolóxico e por outros procesos oncolóxicos, e tamén de colaboradoras e colaboradores que se solidarizan coa causa. Todos os servizos de ADICAM son gratuítos para as persoas diagnosticadas e as súas familias.

Actuacións

Áreas de traballo en función das necesidades detectadas.

  • Área de información e sensibilización: charlas, obradoiros, mesas informativas, elaboración de folletos, participación en eventos da comunidade.
  • Área asistencial: atención psicolóxica, información e asesoramento en traballo social, asesoramento nutricional, orientación laboral e legal, asesoramento en fisioterapia, acompañamento hospitalario, asesoramento estético en peiteado e coidado da pel.
  • Área de actividades e prevención: promoción da saúde (física, psicolóxica) a todos os niveis, prevención do cancro de mama nas mulleres maiores de 70 anos, exaltación da imaxe da muller a través da arte, charlas de saúde a nivel xeral.

Datos de contacto

Actualmente contamos con sede en Cangas, Moaña, Pontevedra e Vigo.

  • Cangas: atención ao público de luns a venres, de 10 a 14 horas
    Luns e martes, de 17 a 19 horas
  • Moaña: previa cita os martes e os venres, de 10 a 14 horas
  • Pontevedra: previa cita os mércores
  • Vigo: previa cita os luns, martes e venres
    • Luns e martes, de 10 a 13:15 horas
    • Xoves, de 10 a 13:15 horas e de 17 a 20:15 horas
Volver
Imprimir ECS -Asociacion de Diagnosticadas de Cancro de Mama