O presidente da Deputación de Pontevedra, Luis López, acaba de reunirse no Pazo provincial do organismo con responsables da Asociación de Criadores de Cabalos Españois de Galicia (ACCEGA), un colectivo profesional e gandeiro que conta con máis de 200 asociados nas catro provincias galegas. Na xuntanza, o mandatario provincial tivo a oportunidade de escoitar e coñecer as diferentes iniciativas que lidera a entidade na provincia de Pontevedra.