O vicepresidente da Deputación, Rafa Domínguez, asistiu esta mañá ao almorzo organizado no Hotel Galicia Palce de Pontevedra por Foro Empresa no que se afondou na “Universidade, empresa e sociedade: presente e futuro”. O encontro, que foi moderado polo presidente do Consello Social da Universidade de Vigo, Ernesto Pedrosa, contou coa participación do reitor da Universidade de Vigo, Manuel Reigosa; o presidente da CEP, Jorge Cebreiros; o presidente da Cámara de Comercio, José García; o presidente de AEMPE, José Corujo; o presidente de APE Galicia, José Ramón Caldas; e a presidenta de AJE Pontevedra Valeria Giráldez.