A vicepresidenta da Deputación de Pontevedra, Luisa Sánchez, saudou esta mañá ao grupo de preto de 60 persoas da Asociación Praza da Miñoca que están a participar no programa provincial “+Convivencia”, cunha excursión polo Morrazo. O programa provincial “+Convivencia”, dotado con 220.000 euros, oferta un amplo catálogo de actividades relacionadas coa arqueoloxía, coa arquitectura civil, a relixiosa, a popular, cos faros, co Camiño de Santiago ou cos museos. Todas as propostas están abertas a entidades de iniciativa social, asociacións de mulleres, de maiores, veciñais e culturais ou tamén ANPAS da provincia e o prazo para solicitar as actividades, que deberán realizarse antes do 15 de decembro, permanecerá aberto ata o 1 de decembro.