A Xunta de Persoal é o órgano específico de representación dos intereses do persoal funcionario. A súa composición establécese en función do número de funcionarias e funcionarios da unidade electoral correspondente, de acordo coa seguinte escala:

• De 50 a 100 funcionarias e funcionarios: 5
• De 101 a 250 funcionarias e funcionarios: 9
• De 251 a 500 funcionarias e funcionarios: 13
• De 501 a 750 funcionarias e funcionarios: 17
• De 751 a 1.000 funcionarias e funcionarios: 21
• De 1.001 en adiante, dous por cada 1.000 ou fracción, co máximo de 75

O mandato dos membros da Xunta de Persoal dura catro anos; estes son elixidos mediante sufraxio persoal, libre, directo e secreto. A actual composición é de 17 membros, que se distribúen da seguinte forma: 11 de CC.OO., 7 de UGT e 3 da CIG.

O Comité de Empresa é o órgano representativo e colexiado do conxunto do persoal laboral da Deputación de Pontevedra para a defensa dos seus intereses.

O número de membros do Comité de Empresa determínase de acordo coa seguinte escala:

• De 50 a 100 traballadoras e traballadores: 5
• De 101 a 250 traballadoras e traballadores: 9
• De 251 a 500 traballadoras e traballadores: 13
• De 501 a 750 traballadoras e traballadores: 17
• De 751 a 1.000 traballadoras e traballadores: 21
• De 1.000 en adiante, dous por cada 1.000 ou fracción, co máximo de 75

O mandato dos membros do Comité de Empresa ten unha duración de catro anos; estes son elixidos por todas e todos os traballadores mediante sufraxio persoal, directo, libre e secreto.

A actual composición é de 9 membros, que se distribúen da seguinte maneira: 4 de CC. OO. e 5 de UGT:

A Comisión Paritaria Mixta é un órgano de interpretación, vixilancia, estudo e aplicación do Acordo Regulador para Persoal Funcionario e do Convenio Colectivo para o Persoal Laboral.

Tras as eleccións sindicais de persoal laboral e funcionario nos anos 2022 e 2023, respectivamente, constituíuse a Comisión Paritaria Mixta conxunta integrada por quince membros, dos que catro son cargos políticos e once representantes sindicais, cada unha das partes ostenta igual número de votos:

Para a negociación colectiva do persoal funcionario e laboral da Deputación Provincial de Pontevedra constitúese unha mesa xeral.

A designación das e dos compoñentes da Mesa correspóndelle ás partes negociadoras que poderán contar coa asistencia de asesoras e asesores nas deliberacións, que intervirán con voz pero sen voto.

A Mesa Xeral ten como competencias propias a negociación das materias relacionadas coas condicións de traballo do seu ámbito e que contempla o artigo 37 do Real decreto lexislativo 5/2015, de 30 de outubro, polo que se aproba o texto refundido da Lei do estatuto básico do empregado público.

A Mesa Xeral de Negociación da Deputación de Pontevedra está integrada polas e polos seguintes deputados delegados e deputadas delegadas e pola representación sindical de CC. OO. (6), UXT (5), CIG (2) e CSIF (1).

Cada sección sindical pode designar delegadas ou delegados sindicais en proporción á representación na Xunta de Persoal, sen exceder o seu número total de 5, segundo a disposición adicional terceira do Acordo regulador.

Seccións sindicais con representación na Xunta de Persoal:

Sección sindical sen representación na Xunta de Persoal

As seccións sindicais poden designar delegadas e delegados en proporción á representación no Comité de Empresa, o seu número total non poderá exceder de tres segundo a disposición adicional terceira do Acordo Regulador.

As e os delegados de prevención son representantes do persoal con funcións específicas en materia de prevención de riscos no traballo. Son designadas e designados por e entre as e os representantes do persoal, de acordo coa seguinte escala:

• De 101 a 500 traballadoras/es: 3 delegadas/os de prevención
• De 501 a 1.000 traballadoras/es: 4 delegadas/os de prevención

O Comité de Seguridade e Saúde é o órgano paritario e colexiado de participación destinado á consulta regular e periódica das actuacións da empresa en materia de prevención de riscos e está integrado polas delegadas e delegados de prevención, dunha parte, e pola ou polo empresario e/ou representantes en número igual ao das e dos delegados de prevención, da outra.

14 membros: 7 designados pola Deputación e 7 delegados de prevención

A Comisión de Seguimento das Bolsas de Emprego é un órgano encargado de garantir o control e seguimento da xestión e o funcionamento da bolsas de emprego constituídas para cubrir as necesidades de persoal para nomeamentos interinos e contratacións laborais temporais que poidan xurdir en calquera área de goberno da Deputación de Pontevedra.

O 26 de outubro de 2021 constituíuse este órgano, integrado por 4 representantes de CC. OO., 3 de UGT e 1 da CIG.