Camellia japonica ‘Eugenia de Montijo'

Eugenia de Palafox Portocarrero e Kirkpatrick (Granada, 1826-Madrid, 1920) foi unha aristócrata española e emperatriz consorte de Francia polo seu matrimonio con Napoleón III. Filla do conde de Montijo, educouse en Francia e Inglaterra e casou con Luis Napoleón Bonaparte en 1853. Interveu activamente na política do seu país e exerceu o papel de rexente en varias ocasións nas que o seu marido tivo que afastarse do trono para expandir o imperio. Fundou asilos, orfanatos e hospitais, e implicouse na construción do canal de Suez. Tamén foi mecenas de numerosos artistas e apoiou as investigacións de Louis Pasteur. Converteuse nunha referente da moda, e utilizaba tanto a roupa coma as xoias para promover os sectores industriais da xoiaría, do comercio e do téxtil, co que contribuíu en gran medida a facer de París o motor da moda internacional. Tras a caída do imperio, refuxiouse en Inglaterra, aínda que pasaba longas temporadas en España para visitar a súa irmá, a duquesa de Alba, e as súas sobriñas e sobriños.

Orixe da variedade:orixinada en España (non hai datos da persoa que a obtivo) e rexistrada en 1986.

Rexistro e información da Estación Fitopatolóxica Areeiro

Características morfolóxicas

• Flor
  • Tamaño: medio, arredor de 10 cm de diámetro
  • Cor: vermella 53C da carta da RHS
  • Forma: dobre formal, ás veces con forma de rosa
  • Pétalos: moi numerosos, perfectamente imbricados, de forma elíptica a redondeada coa marxe lisa e algúns cunha pequena incisión. Ocasionalmente, cando a flor está totalmente aberta, poden verse na zona central pequenos pétalos lixeiramente raiados
  • Estames: ocasionalmente visibles, cando a flor abre totalmente
• Folla
  • Tamaño: medio, de 9,5 cm de longo e de 4,5 a 5 cm de ancho
  • Cor: verde media, brillante pola face e polo envés
  • Forma: oval
  • Marxe: serrada
  • Ápice: acuminado, torcido cara a un lado
  • Base: aguda
• Planta
  • Floración: de media estación a tardía, moi longa; empeza en decembro e termina en abril-maio
  • Aspecto: planta moi compacta de crecemento lento
  • Outros datos: nomeada en honra da emperatriz Eugenia de Montijo. En 1986 Jean Laborey cítaa por primeira vez no seu libro Les camélias (Ed. A Maison Rustique, París). En 1988 M. Carmen Samartín descríbea brevemente no seu libro (Ed. Everest, León)

FENOGRAMA

Camellia reticulata ‘Susana Rodríguez'

Camelia nomeada en honor da triatleta paralímpica galega Susana Rodríguez. Esta muller, nacida en Vigo en 1988, con albinismo e menos dun 5 % de visión nun ollo e un 7 % no outro,  conseguiu licenciarse en Medicina e converterse nunha deportista incansable, campioa paralímpica de tríatlon adaptado. Foi seis veces campioa do mundo desta disciplina e conta no seu palmarés con numerosas medallas nas principais competicións nacionais e internacionais. En Tokio disputou os seus segundos xogos, onde gañou o ouro na proba de tríatlon, e participou tamén na proba de 1.500 m. Susana compaxina a súa actividade deportiva co seu traballo como médica no Hospital de Santiago de Compostela.

Orixe da variedade: foi orixinada por Leonor Magariños (Cuntis, Pontevedra) a partir dunha semente de C. reticulata.

Rexistro e información da Estación Fitopatolóxica Areeiro

Características morfolóxicas

• Flor
  • Tamaño: de mediano a grande, entre 8,5 e 10,5 cm de diámetro e de 5 a 6 cm de profundidade
  • Cor: rosa moi brillante 57 C (RHSCC), homoxénea, con veas púrpura
  • Forma: de sinxela a semidobre
  • Pétalos: entre 7 e 10, xeralmente redondeados, aínda que algún pode ser elíptico ou irregular
  • Petaloides: ocasionalmente pode verse un, raiado de branco
  • Estames: a cantidade pode variar entre 90 e 110, cos filamentos de cor amarela clara e rosada, dispostos de maneira tubular ou en albaricoque, soldados ata a metade da súa lonxitude
• Folla
  • Tamaño: medio, de 10 a 12 cm de longo e de 3 a 4,5 cm de ancho
  • Cor: verde medio-escura, sen brillo
  • Forma: lanceolada
  • Marxe: lixeiramente serrada
  • Ápice: acuminado
  • Base: aguda
• Planta
  • Floración: moi temperá para unha C. reticulata, empeza en novembro e ten flores ata marzo. É moi florífera. A súa primeira floración ocorreu en 2009.
  • Floración: arbusto de crecemento rápido, de porte semiaberto e moi denso

FENOGRAMA

Camellia japonica ‘María Casares'

Camelia nomeada na honra de María Victoria Casares Pérez (A Coruña, 1922-Alloue, Francia, 1996). Foi unha actriz de teatro que viviu no país galo desde 1936, a raíz do exilio do seu pai, o político Santiago Casares Quiroga (político e avogado que chegou a ser presidente do Consello de Ministros durante a Segunda República). Estudou no conservatorio de París e debutou no teatro con 20 anos; chegou a converterse nunha estrela recoñecida con diferentes premios ao longo da súa vida. No persoal, mantivo unha relación co filósofo e escritor Albert Camus e, tras a morte deste, casou co actor André Schlesser. En 1996 finou sen descendencia en Alloue, Francia, e doou a súa casa e propiedades á República Francesa para que se fixese nela unha escola de teatro.

Orixe da variedade: foi orixinada por Begoña Franco no terreo do Chazo (Boiro, A Coruña) a partir de semente de C. japonica.

Rexistro e información da Estación Fitopatolóxica Areeiro

Características morfolóxicas

• Flor
  • Tamaño: de pequeno a mediano, entre 6,5 e 8,5 cm de diámetro, e de 3 a 3,5 cm de profundidade
  • Cor: homoxénea, rosa medio 58C (RHSCC)
  • Forma: anemone
  • Pétalos: de 5 a 8, redondeados e irregulares; marxe cordada, inciso nun ou varios puntos ou ondulada
  • Petaloides: entre 140 e 165, de cor branca raiada de rosa; dispostos de maneira ordenada
  • Estames: ocasionais, dispersos entre os petaloides; filamento rosado
• Folla
  • Tamaño: de mediano a grande, de 7,5 a 10,5 cm de longo e de 3,5 a 5 cm de ancho
  • Cor: verde escura
  • Forma: elíptica a lanceolada
  • Marxe: lixeiramente dentada
  • Ápice: agudo-apuntado
  • Base: aguda
• Planta
  • Floración: moi temperá e duradeira, empeza en outubro e esténdese ata maio. Floreceu por primeira vez en 2015.
  • Floración: arbusto de crecemento medio, de porte aberto e pouco denso.

FENOGRAMA

Camellia japonica ‘María Vinyals'

Cultivar orixinado en Galicia a partir dunha semente da Camellia japonica ‘Berenice Boddy'.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: mediano, de 7,5 a 10 cm de diámetro e entre 4 e 5 cm de profundidade
  • Cor: rosa púrpura, os pétalos externos 58B-C e os internos 62B RHSCC
  • Forma: de rosa
  • Pétalos: 45-60, os máis externos redondeados de marxe lisa ou incisa nun punto, e os internos redondeados e elípticos de marxe ondulada
  • Petaloides: en número variable, de 0 a 5 de cor rosa raiados de branco ou rosa máis claro
  • Estames: de 20 a 30, con filamentos cor crema
• Folla
  • Tamaño: mediano, de 7-9 cm de longo por 4,5-6 cm de ancho
  • Cor: verde escura brillante
  • Forma: entre ovada e redondeada
  • Marxe: dentada moi marcada
  • Ápice: apuntado
  • Base: obtusa-redondeada
• Planta
  • Arbusto vigoroso, de crecemento rápido e porte erguido
  • Floración: tardía, comeza a finais de febreiro ou primeiros de marzo e remata en maio

FENOGRAMA

Camellia japonica ‘Dona Jane Andresen'

Porte do cultivar ‘Doutor Balthazar de Mello', orixinado en 1896 por Alfredo Moreira da Silva en Portugal.

A súa familia adquiriu en 1895 a Quinta do Campo Alegre, hoxe en día Xardín Botánico do Porto (Universidade do Porto), onde reuniu unha importante colección de camelias, das que destacan as espectaculares sebes centrais do xardín. Estas camelias aínda se conservan na actualidade e son reservorio de moitas camelias europeas que quizais se perderon.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: mediano, de 7,5 a 10 cm de diámetro e ao redor de 5 cm de profundidade
  • Cor: rosa intenso (54A RHSCC)
  • Forma: de rosa
  • Pétalos: 40-60, os máis externos ovalados e os internos ovalados e redondeados de marxe fimbriada
  • Petaloides: en número variable, de 0 a 20 de cor rosa e raiados de branco
  • Estames: de 20 a 50, con filamentos cor crema e dispostos en fascículos
• Folla
  • Tamaño: mediano, 7-9 cm de longo por 4,5 cm de ancho
  • Cor: verde media brillante
  • Forma: elíptica
  • Marxe: dentada
  • Ápice: apuntado ou acuminado
  • Base: aguda
• Planta
  • Arbusto denso e vigoroso, de crecemento rápido e porte semiaberto
  • Floración: tardía, comeza a primeiros de marzo e remata en maio

FENOGRAMA

Camellia japonica ‘Bella Otero'

Orixinada por Rosa Crespo e Jaime Escofet en Valga (Pontevedra) no 2000. A primeira planta atópase ao lado da estatua que o Concello de Valga ten da Bella Otero, popular artista da Belle Époque francesa nacida nesta localidade.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: grande, entre 10 e 12 cm de diámetro
  • Cor: rosa forte, do grupo 45C RHSCC, coas veas marcadas
  • Forma: semidobre
  • Pétalos: entre 8 e 11, os externos grandes e os internos máis pequenos, algunhas veces un pouco ondulados; a marxe cunha pequena incisión nun punto
  • Petaloides: en número variable entre 20 e 40, algúns con pequenas raias brancas, dobrados, mesturados cos estames
  • Estames: moi numerosos, arredor de 100, con filamentos cor crema coa base rosa e anteras douradas
  • Comportamento: cae enteira
• Folla
  • Tamaño: uns 7 cm de longo por 4 cm de ancho
  • Cor: verde escura, 147A RHSCC
  • Forma: de elíptica a oval
  • Marxe: dentada
  • Ápice: apuntado
• Planta
  • Porte erecto, crecemento lento, densa e arbustiva
  • Floración: media estación, cun período de floración curto e con alta densidade de flor; empeza a florecer en xaneiro e finaliza a finais de febreiro ou primeiros de marzo. Floreceu por primeira vez no 2004

FENOGRAMA

Camellia reticulata híbrida ‘Rosalía de Castro'

Moreira da Silva obtuvo este cultivar en Portugal de un cruce entre la C. reticulata ‘Captain Rawes' y la C. japonica ‘Mathotiana'. Fue documentada por primera vez en el catálogo núm. 103 (1968-1969) de su vivero de Oporto. El primer ejemplar fue plantado en la casa de esta popular escritora y poeta gallega en Padrón. Los ejemplares del castillo de Soutomaior y de la Estación Fitopatológica Areeiro fueron adquiridos en el vivero de Nicolás Badía en 1986.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: grande, de más de 12 cm de diámetro
  • Cor: rojo anaranjado (53C RHSCC), venación marcada
  • Forma: semidoble con forma de rosa
  • Pétalos: alrededor de 20, los más externos de mayor tamaño, redondeados, con el margen inciso en uno o varios puntos y ligeramente ondulado; los internos redondeados o irregulares, de margen ondulado
  • Petaloides: escasos, mezclados con los pétalos internos y estambres
  • Estames: filamentos color crema y anteras amarillas; disposición en fascículos
• Folla
  • Tamaño: grande, 10 cm de largo por 4,5 cm de ancho
  • Cor: verde oscuro brillante (147A RHSCC)
  • Forma: elíptica
  • Marxe: aserrado
  • Ápice: acuminado
  • Base: aguda
• Planta
  • Arbusto denso y vigoroso de crecimiento erecto
  • Floración: media estación, comienza entre noviembre y diciembre y se extiende hasta mayo; plena floración desde diciembre hasta abril

FENOGRAMA

C. hibrida ‘Juana de Vega'

Camelia nomeada en honor de Juana de Vega, condesa de Espoz y Mina (1805-1872), activista e escritora liberal española. Juana de Vega, que foi aia da raíña Isabel II e camareira maior de palacio, destacou polo seu labor social como mecenas cultural e polo seu apoio constante ás persoas máis necesitadas. Ao falecer sen descendencia, legou case a totalidade dos seus bens á fundación que leva o seu nome, cuxo obxectivo era crear unha escola de agricultura para mellorar a formación de agricultoras e agricultores da provincia da Coruña. Na actualidade, esta institución continúa desenvolvendo actividades que contribúan ao desenvolvemento do medio rural de Galicia a través de diversas iniciativas relacionadas co sector agroalimentario, a formación e a investigación neste ámbito e en temas relacionados coa paisaxe e co territorio.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: medio, de 7,5 a 9 cm de diámetro e de 3,5 a 3,2 cm de profundidade
  • Cor: branca coa marxe esvaecida de rosa clara 60 C-D (RHSCC
  • Forma: anemone
  • Pétalos: de 7 a 10, redondeados e elípticos, coa marxe lixeiramente ondulada e incisa nun ou en varios puntos
  • Petaloides: de 95 a 140, de cor branca-crema, dispostos de forma ordenada nun pompón central
  • Estames: ao redor de 20 intercalados entre os petaloides; filamento de cor crema
• Folla
  • Tamaño: pequeno, de 5,5 a 7 cm de longo e de 2,2 a 3,5 cm de ancho
  • Cor: verde medio, brillante
  • Forma: elíptica-lanceolada
  • Marxe: dentada
  • Ápice: apuntado-acuminado
  • Base: aguda
• Planta
  • Arbusto de porte aberto e rápido crecemento
  • Floración: temperá, comeza a finais de agosto e esténdese ata decembro. Floreceu por primeira vez hai 12 anos

FENOGRAMA

Camellia japonica híbrida ‘Sofia Novoa'

Nomeada en honor a Sofía Novoa (Vigo, 1902), quen quixo achegar a música a todas as etapas do estudo. Cursou estudos en Madrid, onde, integrada nos círculos culturais da época, conviviu coa xeración do 27 a través da música e trabou amizade con personaxes coma Dalí, Lorca ou Buñuel. Tras o seu exilio republicano, consagrouse como catedrática nos Estados Unidos. A Deputación de Pontevedra potencia a súa figura cos Premios Sofía Novoa Ortiz aos traballos de fin de grao e de fin de máster nos que se integre a perspectiva de xénero.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: medio, de 7,5 a 10 cm de diámetro e uns 8 cm de profundidade
  • Cor: rosa media
  • Forma: de anemone a peonia aberta
  • Pétalos: de 30 a 50; os máis externos redondeados e coa marxe cordada e moi ondulada; os internos redondeados e irregulares, mesturados con petaloides e estames, formando un centro compacto en forma de bóla
  • Petaloides: moi numerosos, de cor rosa raiados de branco
  • Estames: de 20 a 50, con filamentos de cor crema, non sempre visibles
• Folla
  • Tamaño: medio a  grande, de 8,5  a 9,5 cm de longo e de 4, 5 a 5,5 cm de ancho
  • Cor: verde media a verde escura, brillante
  • Forma: entre elíptica e obovada
  • Marxe: dentada cara á base e serrada preto do ápice
  • Ápice: apuntado 
  • Base: aguda-obtusa
• Planta
  • Arbusto compacto de crecemento medio e porte entre ergueito e semiaberto
  • Floración: temperá e longa, empeza en outubro e termina a finais de marzo, cunha plena floración entre decembro e febreiro

FENOGRAMA

Camellia japonica `Jimena Fernandez de la Vega´

Foi orixinada a partir de semente  por Begoña Franco na Finca Chazo, Boiro (A Coruña). Nomeada en honra de Jimena Fernández de la Vega Lombán, pioneira da Xenética Médica en España. Naceu en Asturias, pero viviu e estudió en Galicia e, xunto a su irmá xemela Elisa, foron as primeiras mulleres en licenciarse en Medicina na Universidade de Santiago de Compostela, en 1919. Ambas obtuviron a cualificación de sobresaliente no examen de Grao e a Medalla de Alfonso XII polos seus méritos  académicos, consiguindo Jimena ademais,  o Premio  Extraordinario.  Ampliou os seus estudos con varias estancias en países europeos coma Italia e Alemaña, e foi precursora na aplicación da xenética á medicina. Dirixiu a Sección de Xenética e Constitución da Facultade de Medicina de Madrid, que mais tarde  convertiríase no Seminario de Estudos de Xenética, onde  desenvolveu  unha labor fundamentalmente divulgadora. Ao longo da súa carreira publicou numerosos traballos de investigación sobre xenética e hidroloxía, o campo ao que se dedicou nos últimos años da sua carreira, trala guerra civil. Foi unha muller adelantada ao seu tempo e un exemplo de traballo e dedicación nunha disciplina que ainda estaba a empezar.

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: grande, de 10,5 a 12 cm de diámetro e 3 a 5 cm de profundidade
  • Cor: rosa 58 C (RHSCC) nos pétalos das filas externas, tonalidade que se vai aclarando cara ao interior da flor, chegando ás veces mesmo ao branco
  • Forma: dobre formal a forma de rosa
  • Pétalos: de 55 a 85, os externos redondeados e elípt icos os internos, coa marxe cordada, incisa nun punto ou lixeiramente ondulada
  • Petaloides: sólo presentes nalgunhas flores, entre 5 e 35
  • Estames: soamente presentes cando ten forma de rosa, e poden verse ata 40; dispostos en fascículos, cos filamentos cor crema
• Folla
  • Tamaño: medio, entre 9 e 12 cm de longo e de 4 a 6 cm de ancho
  • Cor: verde media
  • Forma: elíptica, ocasionalmente lanceolada
  • Marxe: lixeiramente dentada cara a base e aserrada no ápice
  • Ápice: apuntado, lixeiramente torcido cara un lado
  • Base: aguda
• Planta
  • Arbusto de crecemento medio e compacto
  • Floración: media estación, comeza a finais de xaneiro e exténdese ata maio

FENOGRAMA

Camellia japonica `Emilia Pardo Bazan´

Orixinada a partir dunha semente de C. japonica por Begoña Franco na Finca Chazo, Boiro (A Coruña). Floreceu por primeira vez en 2015. Nomeouse en honra a Emilia Pardo Bazán, nobre galega e recoñecida escritora, xornalista, crítica literaria, editora e catedrática, de finais do século XIX e principios do XX. Na súa obra plásmase o seu forte carácter feminista. Defendeu a igualdade dos dereitos e oportunidades de mulleres e homes, e o acceso da muller á educación. Foi a primeira muller en ocupar unha cátedra de Literatura na Universidade Central de Madrid, mesmo cando as mulleres tiñan difícil acceso á educación universitaria, e presidenta da sección de Literatura do Ateneo de Madrid. Tamén foi conselleira de Instrución Pública por nomeamento directo do rei Alfonso XIII

 International Camellia Register | Rexistro e información da Estación Fitopatolóxica Areeiro

Características morfolóxicas

• Flor
  • Tamaño: de medio a grande, entre 8 e 11 cm de diámetro, e de 4 a 4,5 cm de profundidade
  • Cor: vermella intensa, 53 A-C (RHSCC), un pouco máis clara na base 
  • Forma: dobre formal-forma de rosa
  • Pétalos: arredor de 50, os máis externos arredondados e os internos arredondados ou irregulares, coa marxe incisa nun ou varios puntos, cordado ou lixeiramente ondulado
  • Petaloides: ocasionais e escasos
  • Estames: ocasionais e escasos
• Folla
  • Tamaño: medio, de 6,5 a 8 cm de longo e de 3,5 a 5,5 cm de ancho
  • Cor: verde escura, brillante
  • Forma: elíptica
  • Marxe: aserrada
  • Ápice: acuminado
  • Base: aguda
• Planta
  • Arbusto de crecemento medio e porte aberto
  • Floración: temperá, empeza a mediados de decembro e esténdese ata finais de marzo ou principios de abril

FENOGRAMA