Sinopse:

Ela e el foron parella.

Foi un deses amores inesquecibles que marcan un antes e un despois na vida porque todo o poñen patas para arriba, revísano, sacódeno, desmóntano e vólveno armar.

Logo de tanto tempo separados, talvez sexa hoxe o día xusto para atoparse de novo por primeira vez.

Unha historia para saír do teatro con moi boa sensación no corpo, con gusto, alegría e esperanza. Unha historia para falar e reflexionar sobre iso que chamamos “amor”.

Equipo artístico:

• Texto orixinal: María Ángeles Iglesias
• Dirección: Gena Baamonde
• En escena: Sergio Zearreta e María Ángeles Iglesias
• Iluminación e espazo escénico: Octavio Mas
• Espazo sonoro e música orixinal: Tato López
• Servizo técnico: RTA
• Construción e escenografía: persoal do Centro Dramático Galego