O presidente da Deputación de Pontevedra, Luis López, abordou este xoves, xunto cos organizadores do festival IKFEM Creativa, un espazo xurdido ao abeiro do International Keyboard Festival & Masterclass (IKFEM) que se celebra cada mes de xullo no concello de Tui, os actos desta mostra enogastronómica e de artes creativas das Rías Baixas e do norte de Portugal que conta co apoio do Goberno provincial.

O presidente afondou no compromiso da institución provincial co apoio á cultura e aos colectivos culturais da provincia, así como na aposta por tender pontes coas vilas do norte de Portugal para potenciar esa cooperación transfronteiriza que impulsa social e economicamente o sur da provincia.