O vicepresidente da Deputación de Pontevedra, Rafa Domínguez, participou hoxe na Praza da Ferrería na entrega de trofeos da Road Pontevedra –Clásica Evaristo Portela, un dos eventos cicloturísticos de referencia no norte de España e Portugal e que reuniu a preto de 300 ciclistas. A proba, coa que colabora a institución provincial como patrocinadora, contou cun percorrido de 112 quilómetros con 1.850 metros de desnivel e pasou polos municipios de Pontevedra, Marín, Cerdedo-Cotobade e Campo Lameiro.