O presidente da Deputación de Pontevedra, Luis López, visitará este mércores, 4 de outubro, ao alcalde de Vilagarcía de Arousa, Alberto Varela, para tratar asuntos de interese mutuo para ambas as dúas institucións, en resposta á solicitude de reunión formulada polo rexedor.

Será o segundo encontro do mandatario provincial cun alcalde da provincia —que xa se reuniu co alcalde de Pontevedra, Miguel Anxo Fernández Lores— logo da carta enviada polo presidente aos 61 alcaldes e alcaldesas na que Luis López amosaba a súa predisposición para manter reunións de traballo con todos os responsables das administracións municipais de Pontevedra.