• Deseña a Túa Provincia con Minecraft
  • Individual, a través do centro educativo
  • Alumnado de 3.º e 4.ª da ESO e de 1.º e 2.o de bacharelato ou de FP básica ou grao medio
  • Participa
• Challenge Kahoot!: Coñece a Axenda Urbana
  • Grupal, a través do centro educativo
  • Alumnado de 1.º e 2. º da ESO (unha solicitude por aula)
  • Participa
• Caderno da Axenda Urbana
  • Grupal, a través do centro educativo
  • Alumnado de 1.º e 2.º de primaria (unha solicitude por aula)
  • Participa

Individual: unha persoa responsable do centro educativo (unha mestra ou un mestre ou a Dirección do centro) presentará os deseños de cada concursante, quen só poderá participar cunha única proposta. Neles indicaranse o nome da persoa participante, o curso e os datos identificativos do centro.

Grupal: unha persoa responsable do centro educativo (unha mestra ou un mestre ou a Dirección do centro) presentará a solicitude de participación da aula. Cada aula só poderá presentar unha única solicitude de participación ou proposta de deseño por concurso. Nela indicaranse o nome da titora ou titor, o curso e os datos identificativos do centro.
De forma xeral, en ambas as formas de participación, os traballos que non estean claramente identificados poderán descualificarse.
Os traballos presentados deberán ser orixinais e inéditos; é dicir, que non fosen copiados, reproducidos nin imitados, en todo ou en parte, doutro anterior.

A Deputación de Pontevedra poderá utilizar, publicar e divulgar o seu nome e o seu proxecto nas comunicacións de carácter informativo ou divulgativo que esta realice, tanto en medios de comunicación en soporte escrito coma en dixital.

Só se admitirá unha solicitude de participación individual ou por grupo e aula, segundo o concurso, que se presentará a través da páxina web da Deputación de Pontevedra (www.depo.gal).

A participación na convocatoria implica a aceptación dos requisitos de participación.

• Deseña a Túa Provincia con Minecraft: poderanse presentar as solicitudes de participación ata o 21 de xuño de 2024. A información e documentación requirida deberase presentar no correo electrónico que se facilitará unha vez verificado o cumprimento dos requisitos esixidos e no prazo indicado neste.
• Challenge Kahoot!: Coñece a Axenda Urbana: as solicitudes de participación poderán presentarse ata o 11 de xuño de 2024. O prazo para acceder e contestar ás preguntas propostas remata o 21 de xuño de 2024.
• Caderno da Axenda Urbana: poderanse presentar as solicitudes de participación ata o 21 de xuño de 2024. A información e documentación requirida deberase presentar no correo electrónico que se facilitará unha vez verificado o cumprimento dos requisitos esixidos e no prazo indicado neste.

Os traballos presentados e os resultados do desafío serán valorados por un comité de avaliación da participación en cadansúa categoría, integrado por cinco membros designados pola Deputación de Pontevedra. A composición do Comité de Avaliación será a seguinte:

• Unha o un presidente
• Tres vogais
• Unha ou un secretario