![](/documents/37861/56067/RBFF.jpg/6e6234da-ce18-4778-3dec-22c2cf019eac?t=1626257977923)
#Cultura
Rías Baixas Film Fest
A Deputación de Pontevedra lanza a marca Rías Baixas Film Fest co obxectivo de identificar e aglutinar os festivais do sector audiovisual da provincia de Pontevedra.
Contar cunha imaxe propia e distintiva daralles a estes certames recoñecemento ante o público e os medios de comunicación e permitiralles avanzar conxuntamente no fortalecemento do sector audiovisual.
A nova marca agrupa os festivais de Cans; Play-Doc; FICBUEU; Festival Again de Cine Inclusivo; Primavera do Cine; Galician Freaky Film; Curtas, Festival do Imaxinario; Novos Cinemas; de Pe Curtas Armadiña.
A Deputación de Pontevedra e as persoas e entidades promotoras dos festivais traballan conxuntamente neste proxecto coa intención de dignificar a cultura da provincia, incrementar a visibilidade dos certames, axudar á profesionalización do sector audiovisual galego e xuntar esforzos para ser máis fortes no relato cultural.
A marca Rías Baixas Film Fest nace no verán de 2020 para fortalecer e relanzar estas grandes citas co cinema, moi ligadas aos seus respectivos territorios e capaces de reunir proxectos, profesionais e historias de moi diversa factura.
Obxectivos que persegue a creación da identidade común Rías Baixas Film Fest
- Apoio aos festivais audiovisuais da provincia cunha identidade corporativa única
- Creación dunha identidade e imaxe de promoción para empregar tanto en liña coma en medios impresos ou na propia merchandaxe
- Garantía de calidade na organización e nos contidos dos festivais
- Posta en valor de aspectos coma a accesibilidade cultural, a igualdade, a proximidade, o uso da lingua galega ou a propia traxectoria e os premios acadados
- Participación e presenza da Deputación de Pontevedra nas presentacións e nos actos de promoción e difusión
- Promoción por parte da Deputación con campañas publicitarias e accións especiais coma un sorteo de entradas
- Visibilidade en feiras e eventos culturais e turísticos a nivel autonómico e nacional
- Aproveitamento de posibles fluxos de público entre festivais
- Compromiso cos obxectivos marcados na Axenda 2030
- Cumprimento das medidas e recomendacións hixiénico sanitarias e de seguridade derivadas da COVID-19 segundo a normativa vixente
Festivais integrados no ano 2024
![](/documents/37861/61391/play_doc.jpg/8cc56ff4-ca8b-92fe-bda0-05d1888cdde1?t=1627993220562)
Play-Doc
Do 1 ao 5 de maio
![](/documents/37861/61391/cans.jpg/921778c8-7448-01f0-f074-2fede5365593?t=1628067155552)
Cans
Do 21 ao 25 maio
![](/documents/37861/61391/primaveira_do_cine.jpg/afb40431-ec35-77ce-1bdb-5f4e03aa0efc?t=1627993220720)
Festival Primavera do Cine
Sen data
![](/documents/37861/61391/ficbueu.jpg/bf0e8933-ad1c-3985-1841-fb0f46ffebfc?t=1627993220147)
FICBUEU
Do 7 ao 21 de setembro
![](/documents/37861/61391/freaky_cinema.jpg/fdcf2c7e-26af-c091-4a3a-c0e72e08ba22?t=1651134814489)
Galician Freaky Film Festival
20 e 21 e do 24 ao 28 setembro
![](/documents/37861/61391/festival_inclusivo_vigo.jpg/ddf05063-c972-02ca-7ec2-d62c550b914d?t=1628068528120)
Festival de Cine Inclusivo de Vigo
Sen data
![](/documents/37861/61391/curtas.jpg/857bda33-f72e-97e3-b1e2-2f7f57088b99?t=1651148219897)
Curtas, Festival do Imaxinario
Do 25 de outubro ao 2 de novembro
![](/documents/37861/61391/novos_cinemas_2021.jpg/c1d49ce8-1229-c0a6-129f-058427a08346?t=1651148312153)
Novos Cinemas
Sen data