A vicepresidenta da Deputación, Luisa Sánchez, asiste á selección do piloto da II edición do programa +Talento Motor
23/02/2025
A vicepresidenta da Deputación de Pontevedra, acompañada pola deputada provincial Belén Cachafeiro, asistiu á proba de selección do piloto que competirá na próxima tempada da Dacia Sandero Cup co apoio da Deputación de Pontevedra a través do programa +Talento Motor.
A selección, que se celebrou no circuíto da Madalena de Forcarei, determinou que o piloto Roi Rodríguez, de 20 anos e natural de Pazos de Borbén, rexistrou o mellor tempo e, polo tanto, recibirá o patrocinio para participar no Campionato Galego de Rallys ao volante dun coche ecolóxico rotulado co nome da Deputación de Pontevedra.