O presidente da Deputación de Pontevedra, Luis López, define á provincia como “unha provincia de cine” na presentación da serie “Punto Nemo”, que ten o Concello do Grove e praias da provincia como escenarios principais, que tivo lugar esta tarde de venres no Edificio Castelao do Museo de Pontevedra. Coa presenza do vicepresidente da Deputación e responsable do Museo, Rafa Domínguez, integrantes do goberno provincial e membros do equipo técnico e artístico da produción; o mandatario provincial reafirmou o apoio da Deputación ao sector audiovisual como aliado para a promoción das Rías Baixas como destino turístico. “Esta provincia é sinónimo de sustentabilidade, contacto coa natureza e calidade de vida os 365 días do ano. E o sector audiovisual é un aliado estratéxico para transmitilo a todo o mundo”, salientou o presidente nun acto na estrea dunha serie que xa está dispoñible para o seu visionado en todo o mundo a través da plataforma Amazon Prime.

Nesta estrea da serie “Punto Nemo”, producida por Ficción Producciones, participaron os intérpretes Alba Flores, Óscar Jaenada e Maxi Iglesias, tres dos protagonistas dunha serie que se rodou no complexo militar das baterías de San Vicente, así como en areais da provincia coma A Lanzada ou Canelas. Unha produción que a provincia de Pontevedra é “unha potencia paisaxística, cultural e audiovisual”, afirmou o presidente provincial, quen lembrou que outras das xoias patrimoniais da provincia, como Santa Clara, foi tamén escenario doutra serie como El Jardinero, que dá a coñecer a provincia por todo o mundo. “Unha oportunidade que desde a Deputación queremos aproveitar para divulgar a riqueza natural, patrimonial e cultural dos 61 concellos que compoñen esta provincia”, sinalou o dirixente sobre os beneficios de acoller rodaxes.

A rodaxe desta obra audiovisual na provincia supón tamén unha nova mostra do apoio da Deputación, que colabora na produción desta serie cunha subvención de 100.000 euros a través do Servizo de Cultura. Neste punto, lembrou Luis López outras iniciativas de apoio ao sector, ao felicita pola súa sensibilidade co rural galego, como a celebración da gala de entrega dos Premios Mestre Mateo en Lalín, a colaboración coas produtoras para realizar rodaxes en distintos lugares da provincia ou o patrocinio de festivais de cinema da provincia coma Cans, FIC Bueu ou Play-Doc.

Galerias de imaxes