O vicepresidente da Deputación de Pontevedra, Rafa Domínguez, asistiu este sábado no Lago Castiñeiras, en Marín e Vilaboa, ao Campionato Xunta de Galicia de Orientación en Bicicleta de Montaña (MTBO) distancia Sprint. A proba (que é ademais a sexta quenda da liga galega de MTBO) está organizada polo Club Aromon Pontevedra, co respaldo da Federación Galega de Orientación, e conta co apoio económico da Deputación de Pontevedra na liña de axudas a clubs e federacións para posibilitar a organización de competicións ou eventos deportivos na provincia.