O vicepresidente da Deputación de Pontevedra, Rafa Domínguez, participou hoxe no Concello de Pontevedra na presentación de dous eventos deportivos que organiza o CN Galaico nos vindeiros días na piscina olímpica do CD Rías do Sur: a Copa de España rexional de clubs de 2ª División, os días 30 de novembro e 1 de decembro, e o Campionato Galego de Longa Distancia, o 7 de decembro, dous competicións que reunirán nadadores de clubs das catro provincias galegas.

“Para a Deputación de Pontevedra é fundamental apoiar e impulsar eventos deportivos como estes –asegurou o vicepresidente-, que volven situar a Pontevedra e a provincia no centro dunha disciplina que, sen dúbida algunha, atrae a un bo número de seguidores do deporte e supón un enorme escaparate para dar visibilidade ao noso territorio”.