17 MAIO
2004
DÍA DAS LETRAS GALEGAS
![Xaquín Lorenzo](/documents/37861/4006654/xaquin_lorenzo.png/776a2938-a3d9-04fd-218c-fe1cd5a89019?t=1682061834443)
“Hoxe abundan pouco na nosa Terra os establecementos dedicados á industria da que falamos, contándose xa a penas en Lalín, Noia e Allariz, a algún dos que alude a cantiga tan coñecida:
O crego de Vigo é xastre;
o de Cangas, mariñeiro;
o de Ourense, afiador;
e o de Allariz, zapateiro.
xa que é corrente que á beira dos curtidores florezan os zapateiros.”
“Curtidores ou coireiros”, Os oficios (1983)
Xaquín Lorenzo
(Ourense, 1907 – Facós, Lobeira, 1989)
Foi un escritor, etnógrafo e profesor galego. Estudou Filosofía e Letras na Universidade de Santiago de Compostela, carreira que rematará en Zaragoza. Exerceu a docencia na cidade de Ourense, na materia de Xeografía e Historia. Foi membro activo do Seminario de Estudos Galegos cun traballo sobre o carro galego. Pertenceu á Real Academia da Historia e á Real Academia Galega. Foi un dos principais impulsores do Museo do Pobo Galego, institución que presidiu.
GRANDES ÉXITOS
1941
![O carro e o home](/documents/37861/4006654/xaquin_lorenzo_o_carro_e_o_home.png/528f06a8-effe-e5d7-d01f-146da3447745?t=1682061834747)
O carro e o home (1941) é unha curtametraxe documental guionizada por Xaquín Lorenzo e Antonio Román. En 1980 reeditouse coa narración en off do propio Xaquín. Nos seus doce minutos de duración presenciamos o ciclo de vida do carro galego, desde a súa construción e emprego colectivo ata o seu abandono e desaparición.
Os oficios (1983) é un ensaio etnográfico que recolle as características dos oficios populares galegos acompañadas por debuxos do propio Xaquín Lorenzo.
![Os oficios](/documents/37861/4006654/xaquin_lorenzo_os_oficios.png/b73bfe37-1a65-1335-4202-645d8f3ca27e?t=1682061835109)
1983
Outras obras
“Etnografía. Cultura material”, no Volume II de Historia de Galiza, dirixida por Otero Pedrayo (1962), Cantigueiro popular (1973) e O mar e os ríos (1983)
“Coñecímonos nas aulas compostelás da Facultade de Filosofía e Letras, (...) Para colleitar o material que lle serviu de base para a volumosa obra, pelegrinou por todos os camiños do país. Percorreu as montañas, andou polos vales e polas terras chás. Visitou lugares recónditos do interior, e vilas e aldeas de beiramar. Procurou información oral de homes, mulleres e nenos. Entrou nas casas, visitou obradoiros, examinou embarcacións.”
Xaquín Lourenzo (2004), Francisco Fernández del Riego