![](/documents/37861/2920503/Fenda-900x600.jpg/f5077cc9-193e-5c9b-d298-d9c929d5640f?t=1668500369986)
#CULTURA
Mostra "Dende a fenda"
Do 24 de novembro de 2022 ao 15 de xaneiro de 2023
Salas Rosalía de Castro e Maruja Mallo - Sede da Deputación en Vigo
Comisariado: Paula Cabaleiro
Xornada de clausura: Xoves 12 de xaneiro. De 17:00 a 20:30 h. Sala Rosalía de Castro
Performance inaugural: “Vísceras poéticas” de Constance Hurlé
“Dende a fenda” é unha mostra colectiva que recolle algunhas prácticas artísticas con perspectiva de xénero desenvolvidas en Galicia nos últimos anos, na procura de ocupar os espazos públicos con olladas feministas dende a arte contemporánea. Poñemos o foco en discursos reivindicativos e subversivos, e analizamos experiencias e relatos de vida para visibilizar problemáticas sociais e denunciar violencias machistas nun mundo ancorado no sistema opresivo patriarcal, dende o individual máis tamén dende a colectividade. Preguntámonos sobre o que supón ser muller e ser artista en tempos menos igualitarios dos que enxergabamos hai uns anos, sobre as novas canles e ferramentas das que o machismo se serve na actualidade para seguir sometendo á metade do mundo e interpelamos o público espectador a pensar(se) en relación coas accións e re-accións que realiza cada día, en favor ou non do cambio.
Que lle achegan as artes plásticas e visuais á loita feminista?
Pode ser a arte unha ferramenta transformadora cara un cambio social?
Esta exposición vertébrase con obras de pintura, escultura, instalación, fotografía, videocreacción, arte sonora, performance, debuxo, ilustración e gravado, e percorre o traballo de artistas que desenvolveron o seu quefacer dende as trincheiras da arte feminista e do activismo social. Así, a sede da Deputación en Vigo tórnase nunha plataforma para a visibilización e para a loita contra as violencias machistas, nun espazo para a reflexión e a conversa participativa sobre as prácticas artísticas feministas en Galicia, dende o plano da creación, máis tamén dende o debate e a implicación social.
Para a Deputación de Pontevedra o apoio á creación artística contemporánea é un dos eixes fundamentais das súa política cultural, para establecer neste caso sinerxías clave co epicentro da súa acción política: a loita pola igualdade. Con este proxecto sumamos a arte contemporánea á programación do mes de novembro, pola súa capacidade de acción e reacción, de mover e remover, de sensibilizar e facer reflexionar os diversos públicos, posibilitando escenarios simbólicos para o debate e o espírito crítico
Artistas: Mar Caldas, Amaya González Reyes, Itziar Ezquieta, Xisela Franco, Rebeca Lar, Chelo Matesanz, Mery Pais, Mar Ramón, Nuria Ruibal, Neves Seara
PROGRAMA
- De 17:00 a 17:10 h Apertura
Con música de corda do Ensamble Verxel + danza - De 17:10 a 17:20 h Presentación da xornada
Intervención da presidenta, Carmela Silva - De 17:20 a 18:30 h Mesa de debate 1
Onde están as mulleres nos museos? Analizamos o papel da muller no sistema da arte en Galicia a día de hoxe- Encarna Lago, xerente da Rede Museística de Lugo
- Asunta Rodríguez, directora da Galería Trinta
- Anxela Caramés, comisaria e crítica, especializada en estudos de xénero
Modera: Sara Donoso, comisaria de arte e xestora cultural
Preguntas do público - De 18:30 a 19:00 h Pausa para o café
- De 19:00 a 20:15 h Mesa de debate 2
E agora que? Falamos da situación das artistas en Galicia tras rematar a súa formación en Belas Artes, onde as mulleres somos arredor do 70 % do alumnado- Xisela Franco, artista visual, cineasta e docente na Facultade de Belas Artes de Pontevedra
- Mar Caldas, artista e docente na Facultade de Belas Artes de Pontevedra
- Amaya González Reyes, artista e docente
Modera: Almudena Fernández Fariña, artista e docente na Facultade de Belas Artes de Pontevedra
Preguntas do público De 20:15 a 20:30 h Peche da xornada
Con música de corda do Ensamble Verxel + danza- Estefanía Fernández Agulla (frauta)
- Tania Justo Román (piano)
- Eva Comesaña (bailarina)
Artistas
![CONSTANCE HURLÉ](/documents/37861/2920503/CH-visceras.jpg/3201aea2-f396-ae7d-8976-1fe7852a1035?t=1668586720943)
CONSTANCE HURLÉ
![MERY PAIS](/documents/37861/2920503/Mery.jpg/090132b6-1760-abcf-208b-e329f6f6868e?t=1668501937581)
MERY PAIS
![MAR RAMÓN](/documents/37861/2920503/Mar-Ramon.jpg/e0991df8-fe31-0019-7a95-793c07054135?t=1668501936860)
MAR RAMÓN
![AMAYA GONZÁLEZ REYES](/documents/37861/2920503/Amaya-gonzalez-reyes.jpg/66af6edc-4630-756f-dc0c-e1a271172465?t=1668501933218)
AMAYA GONZÁLEZ REYES
![XISELA FRANCO](/documents/37861/2920503/Xisela.jpg/5258616b-7b39-a59c-e387-8fc50cf0e72d?t=1668501939452)
XISELA FRANCO
![CHELO MATESANZ](/documents/37861/2920503/Chelo.jpg/d2d22fc9-3cf2-b831-57a0-b48564ac891d?t=1668512214762)
CHELO MATESANZ
![REBECA LAR](/documents/37861/2920503/Rebeca-Lar.jpg/a0c6d2d6-a6f0-2486-c1e1-a26868e16c01?t=1668501939090)
REBECA LAR
![NEVES SEARA](/documents/37861/2920503/Neves-Seara.jpg/3bfb9f20-7228-f64c-2939-b5d1d5937ec6?t=1668501938069)
NEVES SEARA
![MAR CALDAS](/documents/37861/2920503/Mar-caldas.jpg/951f8e1a-59d2-8136-acaf-3562981786e4?t=1668501936139)
MAR CALDAS
![ITZIAR EZQUIETA](/documents/37861/2920503/Itziar.jpg/70e7dce3-7e5b-042c-4861-27e68e792b83?t=1668501935394)
ITZIAR EZQUIETA
![NURIA RUIBAL](/documents/37861/2920503/Nuria-Ruibal.jpg/6994ac4b-308c-bde4-a29f-08b4ea6e10a4?t=1668501938632)
NURIA RUIBAL