AUPO 2030
Concurso Caderno da Axenda Urbana
Plan de acción da Axenda Urbana e Rural de Pontevedra
A través da coordinación do propio persoal docente dos centros inscritos, a Deputación proporcionará información coas instrucións previas e o material de consulta da Axenda Urbana.
O persoal docente presentará a Axenda Urbana e os obxectivos do obradoiro para que as e os escolares participen no deseño dun mural ou de viñetas de banda deseñada, onde, a través do debuxo, plasmen o seu propio caderno de Axenda Urbana.
Como participar
A participación realizarase a través dos centros educativos por curso e aula. Deberán indicarse a aula específica que participa e o persoal docente a cargo dela.
A Deputación de Pontevedra poñerá á disposición das persoas participantes un formulario na súa páxina web (www.depo.gal) para realizar a solicitude. Unha vez verificados os requisitos de participación remitirase por correo electrónico o material de consulta; a través deste enderezo deberanse achegar as evidencias do deseño, e máis concretamente:
- Imaxes, en formato PNG ou JPG, do deseño realizado (máximo de cinco fotografías).
- Unha breve descrición do deseño (máximo dunha páxina), onde se detallen o contido e o obxectivo ou obxectivos da AUPO2030 nos que se enmarca.
Poderanse presentar as solicitudes de participación ata o 21 de xuño de 2024
Criterios de valoración
- Adecuación ao obxectivo seleccionado da AUPO2030: 2 puntos.
- Execución: 25 % da puntuación, ata un máximo de 2 puntos.
- Orixinalidade: 20 % da puntuación, ata un máximo de 2 puntos.
- Detalles: 25 % da puntuación, ata un máximo de 2 puntos.
- Viabilidade: 30 % da puntuación, ata un máximo de 2 puntos.
Premios
- Primeiro premio: 150,00 € en material escolar
- Segundo premio: 100,00 € en material escolar