O vicepresidente da Deputación, Rafa Domínguez, fixo entrega de trofeos aos gañadores da categoría infantil da Copa Escolar de Ximnasia de Trampolín, que se celebrou hoxe no pavillón polideportivo do Centro Galego de Tecnificación Deportiva. No torneo, no que houbo categorías infantil, benxamín, cadete, xuvenil e absoluta, déronse cita preto de 650 deportistas de toda Galicia, que participaron nas categorías de doble minitramp, minitramp, tumbling e trampolín.