17 MAIO
2016
DÍA DAS LETRAS GALEGAS
![Manuel María](/documents/37861/4110735/manuel_maria.png/58bb3ff7-1573-4409-2dc5-f11aeed93a64?t=1683274405484)
“(...) Galicia docemente
está ollando o mar:
¡ten vales e montañas
e terras pra labrar!
Ten portos, mariñeiros,
cidades e labregos,
¡cargados de traballos,
cargados de trafegos!
Galicia é unha nai
velliña, soñadora:
¡na voz da gaita rise,
na voz da gaita chora!”
“Galicia”, Os soños na gaiola (1968)
Manuel María
(Outeiro de Rei, 1929 – A Coruña, 2004)
Foi un escritor, político, procurador, libreiro, editor e dinamizador cultural galego. Pertencente a unha familia labrega, estudou bacharelato en Lugo e máis tarde cursou Dereito e Filosofía e Letras en Santiago de Compostela. A partir de 1950 comezou a publicar ata chegar a ser autor dunha extensa obra, sobre todo en poesía, aínda que tamén cultivou o ensaio, o teatro e a narrativa. Ao longo da súa vida foi militante de diversos movementos sociais.
GRANDES ÉXITOS
1954
![Terra Chá](/documents/37861/4110735/manuel_maria_terra_cha.png/737f5a07-e455-91af-51c6-5458b4de6545?t=1683274405989)
Terra Chá (1954) é un libro composto por cincuenta e cinco poemas, que en posteriores edicións e revisións chegaron a ser cento catorce. A temática principal é a evocación da Terra Chá, as romaxes, a xente e os animais. Moitos destes poemas foron musicados máis tarde por outros artistas e adquiriron gran popularidade, como é o caso de “O carro”, por Fuxan os Ventos, e “O cuco”, por Suso Vaamonde.
Os soños na gaiola (1968) é un libro de poemas, pioneiro da literatura infantil galega, que máis tarde sería musicado por Suso Vaamonde.
![Os soños na gaiola](/documents/37861/4110735/manuel_maria_os_sonos_na_gaiola.png/b9fb3a41-e43f-a533-7ab8-ac64666e7f45?t=1683274405737)
1968
Outras obras
Muiñeiro de brétemas (1950) e O Miño, canle de luz e néboa (1996)
“(…) a súa bibliografía poética e moi abondosa. En Muiñeiro de brétemas, Morrendo cada intre e Advento, inagurou cronoloxicamente, antes que Cuña Novás, a que se deu chamar Escola da Tebra.”
Historia da literatura galega (1984), Francisco Fernández del Riego