![](/documents/37861/2628883/obxectivo-02.jpg/7521218c-b029-1ecf-e075-7c0d8e12af2e?t=1665391267064)
#AXENDA2030
Obxectivo 2
Poñerlle fin á fame, lograr a seguridade alimentaria e a mellora da nutrición e promover a agricultura sostible
O segundo obxectivo global é poñerlle fin á fame, lograr a seguridade alimentaria e a mellora da nutrición e promover a agricultura sostible para o ano 2030. As súas metas atenden, en primeiro lugar, á mellora da alimentación a través do acceso de todas as persoas a unha alimentación sa, nutritiva e suficiente e á erradicación de todas as formas de malnutrición, e ocúpanse tamén da produción de alimentos, a agricultura e o sistema alimentario en xeral.
As institucións públicas traballarán para reverter as situacións de desigualdade que poidan xerar problemas de fame e para desenvolver servizos sociais e redes de apoio que a eviten na nosa sociedade.