Naturais de Muros, Samuel, Matías, Xaquín e Xanma forman esta banda que navega entre o indie, o pop e o garage. The Rapants, así se chama a banda galega do momento que, con apenas catro anos de bolos ás súas costas, xa cubriu un 2023 con máis de corenta datas por festivais e salas de Galicia coma Revenidas, Festival de la Luz, Festival das Carrilanas e Surfing the Lérez, entre outros. Un claro síntoma da consolidación dun proxecto que xa non pode considerarse puramente emerxente.