O vicepresidente da Deputación, Rafa Domínguez, asistiu esta tarde nas instalacións de Mourente do Mercantil á homenaxe da entidade ao triatleta Javier Gómez Noya e á futbolista Teresa Abelleira. Ambos deportistas recibiron cadansúa placa tras ser nomeados “Socios de Honra” do Mercantil, nun acto conducido polo xornalista Ramón Mella e no que tamén interveu o presidente da entidade, Roberto Vega.

Rafa Domínguez aproveitou a ocasión para enxalzar a traxectoria de Javier Gómez Noya e de Teresa Abelleira, “que teñen levado o nome de Pontevedra ao máis alto do deporte mundial”. Ademais, o vicepresidente aproveitou a ocasión para felicitar ao Mercantil pola organización de actos “coma este, que serven para tender pontes e poñer en valor a traxectoria de pontevedreses que enchen de orgullo á nosa cidade e ao conxunto da provincia”.

Galerias de imagenes