A norma ISO 9001:2015 é un estándar internacional que define os requisitos para un sistema de xestión da calidade (SXC). Obter esta certificación significa que o ORAL implementou un sistema que cumpre con rigorosos criterios de calidade na prestación dos seus servizos. Algúns aspectos chave que abarca esta norma son:

• Enfoque á e ao cliente: priorizar a satisfacción de contribuíntes e entes delegantes, comprendendo as súas necesidades e expectativas.
• Liderado: compromiso da dirección coa calidade e a mellora continua.
• Participación do persoal: involucrar as e os empregados na xestión da calidade e fomentar o seu desenvolvemento profesional.
• Enfoque baseado en procesos: xestionar as actividades como procesos interrelacionados para lograr resultados eficientes.
• Mellora continua: buscar constantemente formas de optimizar os procesos e mellorar a calidade dos servizos.
• Toma de decisións baseada na evidencia: utilizar datos e análises para tomar decisións informadas.
• Xestión das relacións: manter relacións mutuamente beneficiosas cos entes delegantes e outras partes interesadas. 

Implementación e validez da certificación:

O ORAL adoptou un enfoque de mellora continua implementando un SXC conforme á norma ISO 9001:2015. Tras superar as auditorías correspondentes, obtivo a certificación, que ten unha validez de tres anos, suxeita a auditorías anuais de seguimento para asegurar o mantemento dos estándares de calidade.

Beneficios para contribuíntes e entes delegantes:

A certificación ISO 9001:2015 do ORAL tradúcese en beneficios concretos para as persoas usuarias dos seus servizos:

• Maior calidade na atención: un servizo máis eficiente, áxil e personalizado.
• Maior confianza e transparencia: procesos máis claros e definidos que xeran maior confianza na xestión do ORAL.
• Mellora continua dos servizos: o compromiso coa mellora continua asegura que os servizos se adapten ás necesidades cambiantes das persoas contribuíntes e entes delegantes.
• Maior fiabilidade: a estandarización de procesos reduce a posibilidade de erros e asegura a consistencia na prestación dos servizos.

Compromiso coa mellora continua:

O ORAL reafirma o seu compromiso coa mellora continua e a satisfacción das persoas usuarias, buscando constantemente novas formas de optimizar os seus procesos para brindar servizos eficientes, confiables e orientados ás necesidades de contribuíntes e entes delegantes.